AS FALTAS DE RESPECTO...

No último pleno asistimos a un capítulo máis desta comedia de enredos do concello, esta vez protagonizado por un membro do público asistente, quen inferiu insultos e improperios contra unha concelleira do PP, para logo retirarse vertixinosamente escoltada por amizades e prensa para finalmente volver...

Máis alá da vergoña allea que esta situación provoca, xa que faltar o respecto a alguén sexa quen for, deshonra quen o infire e non a quen o recibe, deberiamos falar do contexto desta situación delirante...

1-Incrible e lastimosamente estamos afeitos a que a devandita persoa se manifeste dun modo desituado durante os plenos, xa sexa con insultos ou con xestos pouco afortunados, sen que ninguén lle diga absolutamente nada, nin quen preside o acto como responsable da autoridade neste (se pode facer uso do seu voto de calidade, podería tamén ter calidade no seu cargo), nin ningún dos demais asistentes...

2-Quen dirixe o noso concello e represéntao, cada vez que a devandita señora perde o norte nun pleno, esquece o cargo que ocupa, mira cara a outro lado e cala; non obstante non fai o mesmo con calquera outro asistente que se manifeste de modo impropio...Será acaso que se a saca do pleno, pode ser el quen poida durmir fora de casa????, en calquera caso, pagámoslle para que exerza o seu cargo para con todos por igual, non para que coa súa familia actúe cual cego e cos demais en plan home recio...Sr Freitas, as faltas de respecto son as mesmas infrínxaas quen o faga, non lle ensinaba iso vostede aos seus alumnos??? eu houbese crido que si, pero... "fai o que eu digo e non o que eu fago... "

3-O resto do PSOE, concelleira de muller incluída e profesores, todos mirando cara a outra parte, "coma se tivese pasado un anxo"...non cabe dúbida de que este equipete son a mellor proba de que Deus ten un gran sentido do humor ao permitirlles sentarse onde están...

Din que a espontaneidade xorde do costume, que orixina un modo natural ou propio de comportarse. Se un ten o hábito de respectar, o respecto sairalle espontáneo, se non é así, maniféstase como nestes casos...e penosamente o PSOE tennos afeitos ás faltas de respecto....

4-Cabe aclarar neste punto que faltar o respecto, non é soamente insultar, senón tamén obviar ao outro, ningunear o illalo, menosprezalo, etc, e de todo isto, os 4 Fantásticos saben e moito....Din que... "Se discutes moito para probar a túa sabedoría, pronto probarás a túa ignorancia. "

5-No que respecta aos concelleiros do BNG, seguen actuando incoherentemente coma sempre. Presentan manifestos en favor dos dereitos da muller e logo teñen miopía repentina cando estes se vulneran. Poderían dicir cousas interesantes se dixesen o contrario do que pensan...

6-A concelleira de CG mentres tanto, pensando no prezo dos percebes en lonxa....é que tampouco puido ser solidaria cunha concelleira coma ela????

7- Pero o máis grave e insólito foi a actitude do propio PP, concediputeada incluída...NINGUÉN  dixo nin fixo nada, necesitaron máis dunha semana e a misa de Pascua de Resurrección para decatarse de que lle faltaran o respecto, e de que a quen lle correspondía actuar (Sr Alcalde), non fixera nada nin como autoridade nin de modo persoal, xa que como era a súa dona, aínda que máis non fose pedir desculpas no seu nome...

Se deste modo actúan para con eles mesmos, prefiro non imaxinar se ofendesen a outro...a incapacidade chega a tal punto que o Súperman veterinario só quedou en Clark Kent e tampouco fixo nada....

8-En tanto aos representantes dos outros partidos políticos presentes en medio do público, deben aínda hoxe estar a pensar que é o que pasou, nin se decataron do tema...siguen de fotógrafos frustrados xogando a ser políticos.... hai os que son máis simples que o mecanismo dun chupete...

9- Finalmente aclarar que se este mosquito non saíu antes a escribir sobre este tema é soamente porque quixen observar ata que punto hai os que están tan afeitos a vivir cotiamente coa violencia, verbal ou non, que nin sequera a detectan cando ocorre...e moito menos aínda se defenden ou defenden a outros ante ela...SOLIDARIOS??? Para que???

Lamentablemente todo isto sentou o precedente para que calquera poida asistir a un pleno e insultar a quen desexe, si a alcaldesa consorte o fixo en máis dunha oportunidade, e non pasou nada, calquera de nós tamén pode e tampouco acontecerá nada...son eles os que dan o exemplo ou non???

Calquera persoa posúe unha dignidade polo feito de ser persoa. Algunhas persoas merecen un respecto maior debido a unha dignidade superior, os pais, os anciáns, as autoridades, etc., pero neste caso a dignidade non aparece por ningunha parte, alguén a terá roubado???

A boca fala do que está cheo o corazón.

Proverbios 26.