NACEMENTO NA COMARCA: TRES EN UN

Fai uns días chegoume a información de que durante o verán, algunhas terrazas contaron coa presenza de xente do PP, achegados do PP, ex-bloqueiros, ex izquerda unida, ex PC, ex Galeguistas,...e outras persoas sen afiliación, as que, non soamente tomaron cervexas e café, senón que mantiveron reunións distendidas en reiteradas ocasións e nas que máis tarde aparecía algún cargo electo, algúns papeis, etc..

A información, debo confesar, tomoume por sorpresa, eu viunos, pero estaba nesas ocasións tan atareado picando e picando para abastecerme cara ao inverno, que non reparara na cuestión...máis tarde sobrevoei por outras zonas de concellos veciños e falando cuns e escoitando a outros, descubrín que a información era certa...

Finalmente con data 26 de setembro viña a este mundo unha nova asociación, " Asociación Veciñal pro Unificación Municipal:Concello dá Foz do Miño", un bebé chegaba a esta comarca coa idea de plasmar un desexo de moitos, unificar nun só os concellos do Rosal , Oia e A Guarda.

Para celebrar, reuníronse nun restaurante do porto a tomar uns viños, lugar onde outros mosquitos que estaban presentes corroboráronme a noticia...

Na miña modesta opinión serían moitos os beneficios para todos os concellos membros desta unión, uns potenciarían e complementarían aos outros, por exemplo, a viabilidade de facer un polígono industrial en condicións e rendible estaría máis próxima, teriamos maior peso comarcal na toma de decisións, á hora de pedir axudas, etc...

Pero veñen á miña mente cuestiones quizais banais para moitos, entre eles para o meu mesmo, que puidesen, se non son tratadas adecuadamente, abrir brechas ou xerar malentendidos e discusións.

Por exemplo, Onde estaría a Casa Consistorial?, Cal sería o escudo ou a bandeira do novo concello?, Como estariamos rexidos administrativamente falando?, Como serían as eleccións dos cargos políticos?, Como sería a proporcionalidade representativa no novo concello?, Como funcionaría a policía local e o xulgado de paz?, Non estarían en inferioridade de condicións no momento electoral os pequenos partidos?, Como se organizarían as concellarías? , etc etc.

Un sen fin de cuestións que haberá que determinar, organizar, consensuar e divulgar entre os cidadáns.

Pero a pesar de todo o traballo que iso representa a futuro, o meu parabén polo recente alumeamento, iso se, recordar que como en todos os casos, o nacemento en si mesmo é algo difícil, pero sempre o traballo máis difícil vén despois, o educar e traballar co recentemente nacido adecuadamente e de modo coherente, tendo en claro que o fín último da cuestión é que sexa de proveito e felíz...

MOSQUITO HOLMES

Seguindo as pegadas de misteriosos comentarios, (extrañamente parecidos entre si), lidos noutros blogs baixo diferentes pseudónimos, e nos que se me menciona, decidín comezar a realizar a miña propia investigación informática.

Cheguei ao sorpredente resultado de que, estamos ante un caso pouco frecuente de personalidade múltiple.
Si mosquit@s, "Laura, Aurora, o recentemente aparecido Seoane99, e o dono dun comercio local", SON A MESMA PERSOA ....
Todos os comentarios son enviados dunha mesma IP.....

Logo de facer todas as verificacións pertinentes e arquivalas, desexo facer unha última aclaración sobre o tema.

O meu Blog, é estritamente MEU, nin de Fariñas nin de ningún dos seus amiguetes. Ningún deles tería a capacidade de voar á miña altura, e non o digo por sobrebia, senón para ser xusto...
Este señor parece crer que o único ser capacitado para escribir algún comentario na Guarda, é Fariñas, nada máis lonxe da realidade..

Desexo ademais facer notar que o autor destes falsos comentarios, é evidente ata para un mosquito, que precisa axuda psicolóxica con urxencia....
Dada a súa fixación enfermiza en confundirme con Fariñas, permitome  dicirlle que:
1-Con respecto a min, deixe xa de equivocarse, e mire máis ao seu ao redor, quizais me vexa máis preto do que cre...
2-Con respecto ao seu amigo Fariñas, solucione con el como todo un home, as súas diferenzas persoais...
3-Non me obrigue coas súas actitudes paranoides a publicar con detalles o investigado...


Con esta nota, dou por concluído o tema sobre a miña identidade.
De agora en máis, non volverei facer aclaracións, xa que o mosquito está para dar as súas opinións, acertadas ou non, non para perder o seu tempo dialogando con xente que para cada solución busca un problema...

CAIXÓN DOS RECORDOS

Buscando e buscando no meu caixón dos recordos atopei algo interesante...
Que quedou da frase RESPONSABILIDADES do selo? Tróuxonos ata eiquí...
Este selo dos anos 50 mostra e demostra que xa entón mentían e de qué xeito....
O único e premonitorio é a zafra que aparece no debuxo a que nos tiraron encima, xa máis non poden esmagarnos...

O CUSTE DO DRAGADO DO FERRY

Estiven uns dias de vacacións e ao regresar, lamentablemente vexo como todo neste bendito pobo segue igual...

O PSOE, como a parrala, que xa o goberno prometeu que ía dragar a canle do ferry, máis tarde que Caminha o vai suspender, logo que se reune cos grupos políticos e empresariais para informalos, despois que están á espera da resolución de Medio Ambiente, seguidamente que eles han dado todos os pasos necesarios con respecto ao tema....pero finalmente, o ferry transitando case polo corredor da morte...
O PP cunha deputada á cabeza, que envía un proxecto de non lei e que critica (e con razón) todo o actuar e a desinformación aos que o Psoe someteu á cidadanía local...
O BNG, reuníndose con asociacións e outros partidos a nivel local e falando con representantes do país veciño para clarificar aínda máis o tema...
CG propoñendo temas para levar a pleno e asistindo ás demais convocatorias...
O empresariado local, convocando aos seus asociados e dialogando cos partidos políticos......

 

Señores políticos, o pobo, é dicir todos os mosquit@s e non mosquit@s locais e dos arredores, queremos saber que van facer co ferry.

Non nos serve oílos botarse uns a outros as culpas, tentando ter o patrimonio das iniciativas, poñerse os galardóns, ou sacando rédito político de todo isto.

O que desexamos é que os nosos políticos locais, nos cales depositamos no seu día a nosa confianza e aos que lles pagamos para iso, se poñan as pilas axeitadamente e traballen de xeito conxunto cara a un mesmo fin.
Mírasevos a todos remando cara a un lado distinto, e o que é aínda peor, queréndonos facer pensar que o estades a facer no noso favor.

O ferry non ten estas dificultades dende hai un mes, tenas dende o momento mesmo da súa posta en marcha, con acordos que deixaban ao azar ou á boa vontade de quen a quixera poñer, a responsabilidade da súa xestión.

O goberno portugués durante 10 anos (dise pronto, pero é moito tempo), xestionou as embarcacións e o dragado da canle, usufrutuando ademais a venda da area quitada.
Cara a onde estaban a mirar por ese entón as nosas autoridades locais?, nin sequera intentaron compartir o traballo e os beneficios?, algúns deles son os mesmos que agora teñen moitas ideas, pero entón non dixeron nada...
Dirixentes e oposición estaban entón ocupados en se mesmos, non prevendo futuras dificulades, nin intentando sacar beneficios no noso favor...

 

Dinnos tamén, que o goberno español non pode asumir o custo do dragado porque supón un gasto de 1 Millón de euros, señores, con todos os meus respectos, pretenden facernos crer que dragar esa canle ten ese custo????, nin soñándoo chegaríamos a creerlo....acaso Caminha se dispuxo desas cifras durante 10 anos para custealo???? por favor! Deixar xa de tratarnos como a nenos crendo nos Reis Magos.....

Por outra parte, lin nalgunha páxina oficial, que o último dragado realizado polo noso goberno, custou a chilindrada de 1 millón 200 mil euros o dragado da canle, e OUTRO MILLÓN DE EUROS o levar a area a outras praias da provincia e acondicionar o noso litoral.......
Tantos ceros xa me anubraron ata a vista. Por un só dragado e reposición de area a outros municipios o noso goberno do Psoe español pagou segundo din 2 millóns 200 mil euros, e temos area na Armona criando herba, o Carreiro que dá pena, A Lamiña case igual e o litoral que mellor nin velo....

E agora que é o que están propoñendo políticos, empresarios e demáis? , que o volvan dragar ao mesmo prezo????

Teño que recoñecer que os nosos gobernantes foron e son uns grandes alquimistas, recadan os nosos eurillos e fanos fume en poucos instantes....

Cando me repoña de tanta sensación de náuseas seguirei cos meus comentarios...