.jpg)
Queridos mosquitos, infórmolles, por se acaso non o saben aínda, estamos en crise, unha crise que antes de selo pasou por ser unha leve recesión, despois por un estancamento económico e ao final rematou sendo a maior e peor crise da historia do noso país.
Pero, esta crise económica afunde as súas raíces nunha crise máis fonda, de carácter moral, en todos os niveis da nosa sociedade. De forma piramidal, dende as nosas autoridades ata chegar a nós, os nosos amigos e veciños....
Non cabe ningunha dúbida, hai que falar dunha crise moral, dun mundo sen honra... A honra é unha relación de lealdade cos demais e cun mesmo, de forma que a deshonra é terse fallado a un mesmo e aos outros...
A crise moral e a falta de ética son entón, un problema de todos...en consecuencia preguntarnos...
-Como é posible que coa que está a caer haxa veciños que pasen pola rúa Manuel Álvarez a buscar a axuda "para familias necesitadas" que outorga o noso concello conducindo un BMW?
-Como é posible que a familias con só un membro no paro (e cobrando) con outros membros traballando, se lles conceda esta axuda de comestibles?
-Como é posible que os nosos servizos asistenciais locais outorgasen esas axudas? Cal foi a valoración que se utilizou para outorgalas?
-Como é posible que non se fiscalicen nin corroboren os ditos dalgúns mentireiros compulsivos sen escrúpulos que pasan a buscar as caixas de alimentos para cargalas en automóbiles case de paquete?
-Como está a funcionar no noso concello o servizo social, como clientelismo ou amiguismo quizais?
-Se a resposta é que non están en coñecemento de que isto estea ocurrindo...Sres....non o saben porque non queren...y porque ademais non estades facendo ben voso traballo.....o cal consiste en outorgar axudas e observar que sexan necesarias...
As axudas están destinadas a familias vulnerables, con necesidades reais, moitas das cales nin sequera van solicitalas, por vergoña ou quizais un pudor mal entendido.
Acaso non saben os nosos servizos sociais qué familias teñen todos os seus membros no paro?, non serán esas as realmente necesitadas?
Por outra parte, nalgúns concellos ábrese paso un novo concepto de axuda social, máis digno se cabe, no que se outorga a axuda a cambio da realización dalgunha acción en beneficio de todos, porqué aquí non?
Sería bo comezar a "mirar con lupa" cada un dos casos, para evitar enganos (se é que o son), pola contra estariades en conivencia cos "delincuentes que falsean por avaricia" pícaros para ser finos....
Estas "irregularidades á vista de todos" resúltanme vomitivas tanto polo que as concede como polo que as solicita...y só con honestidade é que se combate a corrupción, será moito pedir as nosas autoridades...???
Todos estes "mentireiros" que ocultan a súa realidade co fin de obter un beneficio, son simplemente avaros que se converten en "delincuentes"....
O mentireiro é un ser inseguro, egoísta, irresponsable, ou inmaturo, ou todo iso á vez. A mentira é tan daniña para quen a recibe como para quen recorre a ela. O adulto é mentireiro cando non superou os obstáculos que lle puxo a vida, e engana para sentirse o triunfador que nunca foi.
A tolerancia da xente cos mentireiros habitualmente é moi pequena, e só se necesita que se sorprenda alguén nunha mentira para que se lle asigne a etiqueta de "mentireiro " e pérdaselle para sempre a confianza, por non chamarlle "ladrón de pobres"...
É acaso demasiado tarde e na nosa mirada xa non cabe outra cousa que a compracencia e a cobiza?
Iso se, quede ao revés ou ao dereito, o que se fixo xa está feito...
Reflexionemos Mosquitos... ( dedicado a todos e cada un dos que sen necesitalo acoden a buscar o que non lles corresponde...e aos que o consenten....)
Que é a avaricia? Un continuo vivir na pobreza por temor a ser pobre.
San Bernardo de Claraval
"Quen só pensa no que no seu ventre entra..., non vale máis que o que do seu ventre sae.... "
.jpg)
