FESTA DO MONTE 2012

Non sei como andará o persoal Mosquito da Guarda...pero este Mosquito Capón sofre aínda a resaca (e non etílica) dunhas festas do Monte un tanto “diferentes”....

Comezando pola comisión de festas, que tivo (segundo se queixan por todas partes) só tres meses para organizar todo (acaso non o sabían cando se fixeron cargo...???), dicir que a poucos días de comezada a festa xa había membros da Xunta Directiva que estaban ata os mesmos celtas de ver como uns traballaban e outros miraban ao castro....algunho xa comentaba a quen o quixera escoitar que (aínda non rematada a festa) xa non pertencía á comisión.....outros adestrábanse en carreira e espionaxe para ver se así non se lles seguían escapando os dos quioscos sen pagar as taxas respectivas, algunhas das cales ao domingo do Monte aínda non foran abonadas....outros  dicían que eles non pagarían polas súas terrazas xa que traballaran demasiado para a festa.....unhos  poucos falaban que as 24 horas non eran de descanso pero que o seu xefe horario así llo tomara para poder abastecer de alcohol non autorizado en todo o que fixese falta....en fin un rolo patateiro que nos augura para o 2013 un Centenario do Monte nun equilibrio perigoso....

Seguindo por un desfile de traxes rexionais no que moit@s luciron o noso traxe típico con orgullo e minuciosamente preparado nos seus detalles, mentres que outras, como o fan sempre, saíron disfrazadas de galegas 2012, ao mellor estilo Cibeles dá Juarda,(tacóns, gafas de sol de marca coñecida, melenas leoninas ao vento, bolso á cintura...), en fin galegas xeito novo ou new age, o que non significa en ningún caso típico e rexional, senón máis ben ridículo, propagandístico e históricamente cutre....cando nosas galegas da época irían co cabelo sen recoller..??? nunca señoras miñas...!!!, se tedes cartos para o traxe, xuntade uns cantos máis e comprarvos un libro que vos instrúa sobre a nosa cultura e historia...que polo visto o precisades e moito....mirade como van vestidas as dos grupos de baile e vos decataredes tamén da diferenza....ou podedes achegarvos á asociación do traxe que seguramente vos asesorarán axeitadamente e para o centenario podedes ir vestidas orgullosamente de galegas e non como nunha comparsa de carnaval...escoitei algunha vez que o diñeiro non dá intelixencia...e esta é unha pequena mostra....

Continuando coas bandas, algunhas que ao meu parecer enxalzan a festa e outras que paradoxalmente ao mesmo tempo a menosprezan..., preparan os seus atavíos, ensaian os seus ritmos, organizan as súas marchas, para despois de pouco tempo de ter saído desprestixiar o seu propio desfile con piricas furibundas dalgúns dos seus membros, os que non chegan ao porto a menos que algún dos seus compañeiros lles faga de can lazarillo....outras pola súa banda dan exemplo de alegría, bo facer, organización, e fundamentalmente son reflexo do espírito que creou as bandas da festa do Monte.....amig@s o desfile do sábado non é o domingo do monte nin a desfeita, a ver se algunha vez nos poñemos de acordo co tema....despois non nos queixemos cando por aí adiante falan da nosa festa como a do viño e o desmadre....

Pero a parte máis desastrosa viviuse o domingo do monte, e en varios aspectos....concordo có meu amigo Paco Jones foi escabroso ver como adultos, relacionados coa educación, e representantes políticos locais, facían xurar a nenos con viño...toda a miña repulsa visceral para este tema... (non me vale o de era un traguiño..., amigo, edúcase co exemplo, e isto te retrata....), pero isto dá para un capítulo aparte que xa comentaremos...

Por outra banda, esgazámonos as vestiduras falando de que debemos coidar o noso patrimonio cultural, de que dende Madrid non nos fan nin caso para seguir coas escavacións do Monte, de que é unha xoia histórica a que temos tan preto, unha Put...Mier...., todo iso para logo ir e plantar como toxos a cadeira dentro das casas e usar o castro a como de lugar, señor@s que o tedes feito...pedide desculpas públicas pola vosa curta intelixencia e menosprezo á cultura, sodes máis cavernícolas que os de Altamira, irvos para alá para sentirvos máis preto de casa...é que acaso precisades que se vos estea a vixiar como noutras épocas para respectar o que é patrimonio de todos...???

As fotos foron publicadas en galiciasuroeste, pero a esta "xente" debería caerlles o repudio do resto do pobo por indecentes... non sobra lugar no monte para poñer a mesa e a comida...!!! 
vaia paifocos que temos, por Dios...!!!

Continuará....